لغات تاریخیه و جغرافیه

Lugat-ı Tarihiyye ve Coğrafiyye

تب / تیوه

)تب یاخود (تیوه) — جماهیر یونانیه+دن ینه بو نامله مشهور حكومتك (آتیكی) و (بیؤتی) جوارنده مركز اداره+سی اولان شهردر ایچ قلعه+سنی .(٤٠١٤ خ) تاریخنده یعنی میلادك بیك بشیوز سكسان سنه مقدمنده قادیموس نام حكمدار یاپدیردیغیچون اسمی (قدیمه) قالوب مؤخراً فوق الغایه توسیع و تزیین اولنمشدر. اشبو جمهوریت قومشولری اولان اسپارتلولر ایله چوق زمان اویوشه+میوب بینلرنده محاربات مدیده و شدیده وقوعبولدی و تیوه جمهوری برقاچ دفعه مغلوب و اسپلرتلولرك حمایه+سنی قبوله مجبور اولدیسە ده و(٥٢٣٢ خ) تاریخنده یعنی میلادك اوچیوز التمش ایكی سنه مقدمنده سرعسكرلری +مشهور (آپامینونداس)ك قزاندیغی (لوقتوار) و (ماثینیا) محاربه+سی سایه+سنده ینه استقلالنی اعاده ایلدی و جماهیر یونانیه+نك برنجیسی اولدی لكن (٥٢٥٦ خ) تاریخنده یعنی میلادك اوچیوز اوتوز سكز سنه مقدمنده ماكیدونیا قرالی فلیبك هجومنه طاقت كتوره+میوب بر بیوك انهزامدن صكره تكرار ربقۀ اسارته بویننی یناشدیردی و قرال مومی الیهك اوغلی اسكندرك سلطنتی زماننده بر دها قیام و تخلیص كریبان ایتمك ایستدیسەده مشار الیه سرعتله كیدوب تیوه+نك التنی اوستنه كتوردیكندن بو دفعه بتون بتون درکۀ انقراضه دوشدی. یونانستانده بر تیوه دها وار ایسه ده (١٨٥٣ م و ١٢٧٠ ه) تاریخنده وقوعبولان حركت ارضده كاملاً خراب اولمق راده+سنه كلمشدر.