تب یاخود (ثیبس) — مصر علیاده قدیم بر شهردر. بو شهرك نه وقت تأسیس اولندیغی معلوم اولمیوب فقط فراعنۀ مصریە+دن اون سكزنجی سلاله زماننده بر حكمدارك مركز سلطنتی اولدیغی و مؤخراً یكرمی برنجی سلالە+یه منسوب فراعنە+نك پای تختلرینی بورادن مشهور
)مفیس) شهرینه نقل ایلدكلری و بو شهرك اطرافنده اولان جسیم سورك یوز قپوسی بولندیغی و (پتولومه) و ایمپراطور (اوكوست)ك یاپدیغی محاربه+لرده خرابه یوز طوتوب عربلرك زماننده بتون بتون منهدم اولە+رق الیوم یری بلورسز بر حاله كلدیكی تواریخده مقیددر.
تحقیقات و كشفیات اخیره+یه نظراً شهر مزبور جرجا ایله اصوان اره+سنده و نیلك ایكی طرفنده و (مدنیته ابو) و (الاقصر) قریه+لرینك اولدیغی محلده+در و تحت الارض بعض پتلر و معبد و سرای خرابه+لری کورلمكده+در مقدما بو خرابه+لردن چیقاریلان بر طاقم هیكللر و دیكیلی و یازیلی طاشلر اوروپا موزه+خانه لرینی تزیین ایتمشدر.
اون بشنجی لویی زماننده پارس شهرینه نقل و ركز اولنان دیكیلی طاش و دها اسکی زمانده رومایه كوندریلان دیكر بر دیكیلی طاش بورادن آشیریلان طاشلردن ایدی. مدنیته ابونك جهت غربیسنده اون سكزنجی و اون طقوزنجی و یكرمنجی سلاله+یه منسوب فراعنە+دن بر چوغنك تربه+لری دخی مشاهده اولنور تب شهرینه یونانیلر (دیئوسیولیس) دیرلر.