تایچو — چینك (١٣٦٧ م و ٧٧٠ ه) اختلالنده ارباب قیامه رئیس اولان و مغول سلالۀ خاقانیسنی محو ایدوب مینغ عنوانیله تخت چینه جلوس ایدن ذاتك اسمیدر. تاریخ مزبورده چین اهالیسنك چیقاردقلری اختلالی مومی الیه توسیع و مغول عسكرینی مغلوب و پریشان ایتدكده خاقان (طفان تییور) فرار و تاج و تختنی تركه مجبور اولدی و تایچو كمال دبدبه و داراتله پكینه كیروب تخته اوتوردی و اثنای محاربه+ده خراب اولان مكاتب و معابد تعمیر و تجدید و بر طاقم نظامات وضع و تأسیس ایتدی و خطۀ چینك یكرمی یدی سنه+ده بر مكمل خریطە+سنی یاپدیردی. اشبو تایچو مقدما (بودا) معبدینك بیوك ناظرلرندن ایدی.