تالیس یاخود (ارستطالیس) — حكمای سبعۀ یونانیه+دندر بونك اصلی فنیكه حكمداری قادیموس سلاله+سندن اولدیغی و ابتدای حالنده بعض مناصب حكومتده بولندیغی حالده جمله+سنی ترك و كرید و مصر و بعض ممالك آسیاده سیاحتله تحصیل معارف ایدرك وطن اصلیسی اولان پالاچه عودت و (ایونیە+ن) نامیله بر مكتب كشاد ایدوب وفاتنه قدر اوراده تدریس علومه همت ایلدی. مومی الیه بو عالم بدایت و نهایتدن منزه بر صانع حكیمك اثر صنعیدر و صوكافۀ اشیانك اصلی و ارض ماء متكاثف و روح انسانی باقیدر و جمیع عوالم واجب الوجود ایله مالامالدر و دنیاده اك بیوك سعادت صحت و اورته حالده تعیش و ازالۀ جهلدر و ظالمی مسن و معمر كورمك كبی نفسه كوج كلور شی یوقدر دیر و دائما ( كندو نفسمی بیل) سوزیله شاكرداننی ایقاظه چالیشور ایدی.
بونك علوم فلسفە+دن بشقه فن هیئت و حسابده دخی ید طولاسی وار ایدی مصرده+کی اهراملرك ارتفاعنی ظللریله اولچه+رك ارتفاع المق اصولنی ایجاد و خسوف و كسوفی قبل الوقوع كشف و اخبار و مثلث كروی مسائلندن برقاج مسئله اثبات ایلمشدر.
والدە+سی تأهل ایتمسنی تكلیف و اصرار ایلدكده تالیس استنكاف ایدوب كنجلك حالی تأهل وقتی دكلدر و اختیارلقده ایسه وقت کچمش اولور و بونك ایكیسنك اره+سنده دخی بر زوجه انتخاب ایدە+جك قدر خالی وقت بولنه+مز جوابنی ویرمشدر. و زاتی طقسان ایکی یاشنده و (٥٠٥٦ خ) تاریخنده یعنی میلادك بشیوز اوتوز سكز یاخود بشیوز قرق سكز سنه مقدمنده+در.