لغات تاریخیه و جغرافیه

Lugat-ı Tarihiyye ve Coğrafiyye

تالانت / تالانتون

تالانت یاخود (تالانتون) — اسكی یونانلولرك هم وزن و همده سكه+لرینك اسمیدر. وزن ایچون قوللانیلان تالانت یكرمی التی كیلوغرام و یوزیتمش سكز غرام آغرلغنده و آقچه اولە+رق تداول ایدن تالانت كموشدن معمول اولدیغی حالده (٥٥٦٠) فرانق و (٩٠) سانتیم قیمتنده اولوب میلاددن اوچ عصر مقدمه قدر بو قیمت اوزره تداول ایتمش و صكره (٥٥٢٢) فرانقه تنزل ایلمشیدی. بوندن بشقه برده آلتوندن معمول آتیکی تالانتی اولوب بونك برینك قیمتی بش كموش تالانت قیمتنه و قوریانتوس تالانتی (١٠٠٠٠) دراخمی قیمتنه معادل ایدی.