تاریخ — طوائف بشریه+نك رسوم و عادات و صنایع و انساب و ترقیات و تنرزلات و وفیاتندن و بلدانك وقایع ماضیه و سائره+سندن بحث ایدن علمه دخی تاریخ دیرلر و بو علمی برقاچ قسمه تقسیم ایدرلر
قسم اول تاریخ عمومی — بو تاریخك اقسام ثلثه+سندن برینه یعنی هبوط (آدم) علیه السلامدن روما دولتنك انقراضی زمانی اولان (٤٧٦ م) سنه+سنه قدر كذران ایدن مدت وقوعاتندن بحث ایدن تاریخه ( تاریخ ازمنۀ قدیمه) و بو تاریخندن فاتحك استانبولی فتح ایتدیکی زمانه یعنی (١٤٥٣ م و ٨٥٨ ه) تاریخنه قدر كذران ایدن مدت وقوعاتندن بحث ایدن تاریخه
تاریخ قرون وسطی) و فتح استانبولدن بروسنه (تاریخ قرون جدیده) دیرلر و بشقه درلو دخی تقسیم ایدرلر (قسم ثانی تاریخ خصوصی) — بر دولت ویا حكمداره ویاخود بر زمان معینه مخصوص اولمق اوزره یازیلان تاریخلردر (قسم ثالث تاریخ مقدس) — سیر انبیا و اولیا و اداب و اسلوب مشایخ و اصفیایه و بالجمله حسناته متعلق یازیلان كتابلردر (قسم رابع تاریخ علوم) — بلجمله علوم و فنونه و هر علمك اقسام و درجات و منافعنه و اصحابنك احوال وكیفیاتنه دائر یازیلان كتابلردر (قسم خامس تاریخ سیاسی) — دولت و ملتلرك احوال سیاسیه و اقتدارینه و بربرلریله مناسبات و معاملاتنه و ترقیات و انحطاطنه دائر یازیلان كتابلردر (قسم سادس تاریخ طبیعی) — موالید ثلثه+دن یعنی نباتات و معدنیات و حیواناتك انواع و اقسام و طبایع و خصائصندن و حیوانات قسمنده داخل اولان نوع بنی آدمك حیواناتله جهت اشتراك و امتیازندن و بونلرك تعیش و بقای نوعلرندن بحث ایدن كتابلردر
١ تاریخ ابن اثیر — اصل اسمی (عبرة اولی الابصارفی ملوك الامصار) (١٢٩٩ م و ٦٩٩ ه) تاریخنده وفات ایدن ابن اثیر عمادالدین اسماعیل حلبی+نك اثریدر
ابن اثیر الجزرینك )كامل التواریخنه) دخی تاریخ ابن اثیر دیرلر
٢ تاریخ ابن افطس — (١٠٦٢ م و ٤٥٤ ه) تاریخنده وفات ایدن مظفرلله محمد بن عبدالله النجیبی+نك بوكا (تاریخ مظفری) دخی دیرلر
٣ تاریخ ابن حجر — (١٤١٢ م و ٨١٥ ه) تاریخنده وفات ایدن شیخ شهاب الدین احمد بن علاء الدین سعدیء دمشقی+نك
٤ تاریخ ابن خلدون — اصل اسمی (عنوان العبر و دیوان المبتدأ والخجر) مورخ ذوفنون قاضی عبدالرحمن بن محمد بن خلدونك
٥ تاریخ ابن خلكان — اصل اسمی (وفیات الاعیان ) (ابن خلكانك)
٦ تاریخ ابن زیدون — تاریخ یوللو رسائل ادبیه+دن
٧ تاریخ ابن ساعی — اوتوزجلد (١٢٤٨ م و ٦٧٤ ه) تاریخنده وفات ایدن علی بن انجب البغدادینك
٨ تاریخ ابن عساكر — سكسان جلد (١١٧٦ م و ٥٧٢ ه) تاریخنده وفات ایدن ابن عساكرك
٩ احمد حلمی تاریخی — (١٨٦٧ م و ١٢٨٤ ه) تاریخنده انكلیز (چنبرس)ك تاریخ عمومیسندن مترجم
١٠ تاریخ ارمنی — میقائل و ارفاین نام مورخك
١١ اسفار الجار — حاجی خلیفه و كاتب چلبی دیمكله مشهور مصطفی افندینك دولت علیه احوال و وقوعات بحریە+سنی شامل قلمه الدیغی تاریخ
١٢ اس ظفر — یكیچری طائفه+سنك اخلاق و احوال ردیه+لرینه و اوجاقلرینك (١٨٢٦ م و ١٢٤٢ ه) تاریخنده نه صورتله سویندیرلدیكنه دائر امام زاده اسعد افندینك قلمه الدیغی تاریخ خصوصی
١٣ تاریخ افغان — یكرمی التی سنه اصفهانده اقامت ایدوب اشرف خان طرفندن در دولت علیە+یه كوندریلان ایلچی ایله ممالك عثمانیە+یه كلان سیاحیندن بر راهبك لاتنجه یازدیغی تاریخ تركجه+یه دخی ترجمه و طبع اولنمشدر
١٤ الاعلام فی بلدة الله الحرام — مکۀ مكرمه تاریخی شاعر مشهور (بافی) افندی تركجه+یه ترجمه ایتمشدر
١٥ البدایة والنهایة — اون جلد (١٣٧٢ م و ٧٧٤ ه) تاریخنده وفات ایدن حافظ اسماعیل عمادالدین ابو الفدانك بوكا تاریخ ابن كثیر دخی دیرلر
١٦ تاریخ آل سلچوق — (١٢٤٨ م و ٦٤٦ ه) تاریخنده وفات ایدن وزیر جمال الدین القفطی+نك
١٧ آمریقا تاریخی — فرانسز (هانری مركام) نام مورخك عینتابی عبد الله افندی تركجه+یه ترجمه ایتمشدر آمریقانك كشفی تاریخی دخی انكلیز سیاح (روبرسون) معرفتیله یازیلوب
ترجمه اوطه+سی خلفاسندن و انجمن دانش اعضای خارجیسندن عبدالغفار انیس) افندی معرفتیله تركجه+یه ترچمه اولنمشدر
١٨ تاریخ انبیاء — (١٥٠٠ م و ٩٠٦ ه) تاریخنده وفات ایدن میر علی نوائینك معارف نظارتی مكتوبجیسی (راشد) افندی (١٨٦٤ م و ١٢٨١ ه) تاریخنده (تواریخ الانبیاء فی ارشاد الاذكیاء) نامیله بر تاریخ دها یازمشدر
٢١ ایاصوفیه تاریخی — بو كتابی استانبولك حین فتحنده احمد بن احمد جیلانی لسان یونانیدن زبان فارسی+یه و مؤخراً نعمة الله بن احمد لسان تركی+یه ترجمه ایتمشدر
٢٢ تاریخ ایتالیا — (١٧٨٩ م و ١٢٠٤ ه) تاریخندن اعتباراً یكرمی بش سنه+لك اوروپا و ایتالیا احوالنی جامع ایتالیانجه بر تاریخدر ترکجه+یه ترجمه اولندی
٢٣ پچوی تاریخی — ایكی جلد سردار مشهور (لالا محمد پاشا) مرحومك معتمدانندن پچوی ابراهیم اقندینك
٢٤ بخارا تاریخی — (٨٦٨ م و ٢٥٥ ه) تاریخنده وفات ایدن نوادر الاصول صاحبی (ابو عبدالله) ترمذینك
٢٥ پروسیا محاربه تاریخی — پروسیا و فرانسه دولتلری بیننده وقوعیولان محاربه+یه دائر المانیا اركان حربیە+سی طرفندن قلمه النان مصور تاریخ تركجه+یه دخی ترجمه اولنمشدر
٢٦ تاریخ بولیه یاخود (بوی+یه) — جغرافیه و آطلس صاحبی فرانسز (بولیه)نك
٢٧ تاتارستان تاریخی — موسیو (قساوییر رایموند)ك
٢٨ تاج التواریخ — تركجه (١٥٩٩ م و ١٠٠٨ ه) تاریخنده
وفات ایدن خواجه سعدالدین افندینك ابتدای دولت عثمانیه+دن عصر سلیم خانی+یه قدر قلمه الدیغی تاریخ )تاج المأثر) دخی فارسی بر تاریخدر
٢٩ تاسیتوس — بونك روما ایمپراطورلرینه دائر یازدیغی تاریخ اورور پاجه غایت معتبردر مرقوم ایتالیالیدر
٣٠ تقویم التواریخ — حاجی خلیفه و كاتب چلبی دیمكله مشهور مصطفی افندینك مومی الیه بو كتابی ایكی آیده یازدی
٣١ تکملة العیر — قسم اولی سلفكیان و قسم ثانیسی اشكانیان دولتلری احوالنه دائر صبحی پاشا حضرتلرینك قلمه الدیغی تاریخ دولتین مشار الیهما مسكوكاتی دخی زیر كتابده مرتسمدر
٣٢ تیت لی+و — اسكی روما تاریخلرندندر بو مورخنك اسمی دخی (تیت لی و) در كلمه+سنه نظر بیوریله
٣٣ تیمور تاریخی— فارسی . فضلادن (عجمی) ملقب احمد بن عبدالله بن عرب شاهك نظمی زاده مرتضی افندی بغداد والیسی مشهور علی رضا پاشانك امریله تركجه+یه ترجمه ایتمشدر
٣٤ تاریخ جنابی — (١٥٩٠ م و ٩٩٩ ه) تاریخنده وفات ایدن مصطفی بن حسن رومینك بر مقدمه و سكسان ایکی بابی جامع اثری
٣٥ تاریخ جنبرس — انكلیز مورخلرندن مشهور (جنبرس)ك تاریخ عمومیسی بونی احمد حلمی افندی ایكی جلد اوزرینه ترجمه ایتمشدر
٣٦ تاریخ جودت — الیوم عدلیه ناظری بولنان فضلای عصردن احمد جودت پاشا حضرتلرینك (١١٨٨ ه) تاریخندن ١٢٤١ ه) تاریخنه قدر قلمه الدیغی دولت عثمانیه تاریخی
٣٧ جهانكشا— فارسی . (١٢٨٤ م و ٦٨٣ ه) تاریخنده وفات ایدن بهاءالدین محمد جوییننك جنكیز و هلاكو و سائر سلاطین جنكیزیه احوالنه دائر یازدیغی تاریخ
٣٨ جهاننما — تركجه جغرافیه كاتب چلبینك
٣٩ چین تاریخی — موسیو (پوتییر)ك
٤٠ حسن المحاضره فی اخبار مصرالقاهره — (١٥٠٥ م و ٩١١ ه) تاریخده وفات ایدن جلال الدین عبدالرحمن السیوطی+نك خطیب زاده مرحوم تركجه+یه ترجمه ایتمشدر
٤١ تاریخ حكما — (١١٥٣ م و ٥٤٨ ه) تاریخنده وفات ایدن امام محمد بن عبدالكریم شهرستانی+نك تركجه+یه دخی ترجمه اولنمشدر
٤٢ حلیة الابرار — اون جلد
٤٣ خبر صحیح — ایدین ولایتی دفترداری ایكن وفات ایدن (فوزی) افندینك (١٨٧٢ م و ١٢٨٩ ه) تاریخنده قلمه الدیغی دولت عثمانیه تاریخی
٤٤ خیر الله افندی تاریخی — تركجه صدوردن عبدالحق افندی زاده اجلۀ رجال دولت علیە+دن خیرالله افندینك (٦٢٠ ه) تاریخندن ابتداء تحریر ایلدیكی دولت عثمانیه تاریخی
٤٥ تاریخ ذهبی — اون ایكی جلد (١٣٤٥ م و ٧٤٦ ه) تاریخنده وفات ایدن (حافظ شمس الدین ابو عبدالله محمد المصری)نك
٤٦ تاریخ راشد — وقعه نویس راشد افندینك نعیمایه ذیل اولمق اوزره (١٠٧١ ه) سنه+سندن ابتداء تحریر ایلدیكی دولت عثمانیه تاریخی
٤٧ رشحات — فرسی صفی الدین لقبیله معروف علی بن حسین واعظك مناقب مشایح كرامی جامع اولان اشبوكتایی (١٥٠٣ م و ٩٠٩ ه) تاریخنده محمد بن محمد المغربی نامنده بر ذات معرفتیله تركجە+یه ترجمه اولنمش و لفظ رشحات ختام ترجمه+یه تاریخ دوشمشدر
٤٨ تاریخ رواة الحدیت — (٧٩٢ م و ١٧٩ ه) تاریخنده وفات ایدن (ابی حیثمه احمد بن زهیر)ك
٤٩ روضة الابرار — شیخ الاسلام قره چلبی زاده عبدالعزیز افندینك تاریخ عمومی طرزنده اثری اشبو تاریخنی خاكپای شاهانە+یه تقدیمنده پایۀ فتوا احسان اولنمشیدی وفاتی (١٦٦٥ م و ١٠٧٦ ه) تاریخنده و قبری بروسه+ده+در
٥٠ روضة الاحباب — (١٥٩١ م و ١٠٠٠ ه) تاریخنده وفات ایدن جلال الدین عطاءالله بن فضل الله شیرازینك
٥١ روضة الصفا — روضه كلمه+سنه نظر بیوریله
٥٢ تاریخ شانی زاده — احمد عاصم افندینك اوزرینه وقعه نویس اولان موالیدن شانی زاده محمد عطاءالله افندینك (١٢٢٣) سنه سندن ابتداء قلمه آلدیغی تاریخ عثمانی
٥٣ شقایق نعمانیه — طاشکپریلی زاده احمد افندینك ابتدای دولت عثمانیه+دن دور سلیمان خانی+یه دكین ظهور ایدن علما و مشایخ كرامك احوالنی مبین
عربی العباره یازدیغی اشبو (شقایق نعمانیه)یی قضاتدن ادرنه+لی مجدی چلبی تركجه+یه ترجمه و (حدائق الشقائق) تسمیه ایلمش و عاشق چلبی و علی افندی برر مقدار و نوعی زاده عطاءالله افندی مكمل بر ذیل یازوب (حدائق الحقایق) نامنی ویرمشدر زمحشری)نك شقایق نعمانی و (سیوطی)نك شفائق الاترنجی دخی كتب نفیسه+دندر
٥٤ صحائف الاخبار — منجم باشی درویش احمد افندینك عربی العباره تاریخ عمومیسنی شاعر مشهور (ندیم) افندی تركجه+یه ترجمه ایتدی
٥٥ صولاق زاده — آوجی سلطان محمد خان حضرتلری زمانی رجالندن صولاق زاده همدمی افندینك
٥٦ تاریخ طبری — عربی (٩٢٢ م و ٣١٠ ه) تاریخنده وفات ایدن ابو جعفر محمد بن جریرك
٥٧ تاریخ طحاوی — امام طحاوی حضرتلرین
٥٨ تاریخ عاصم — (١٨١٩ م و ١٢٣٠ ه) تاریخنده وفات ایدن وقعه نویس موالیدن احمد عاصم افندینك
٥٩ تاریخ عطا — بش جلد حالا حرم نبوی مدیری احمد عطا بكك
٦٠ عالم ارا— فارسی . فضل الله اصفهانینك
٦١ تاریخ عالم — مكاتب عسكریه ناظری اسبق سلیمان پاشانك
٦٤ عیون المعارف — (١٠٦٢ م و ٤٥٤ ه) تاریخنده وفات ایدن ابی عبدالله القضاعی+نك —
٦٥ تاریخ غلبون — طرابلس غربك احوالنه دائر طرابلسلی ابو عبدالله محمد علبون نام ذات شیخ الاسلام عاشر افندی حفیدی محمد نهیج الدین افندی ترکجه+یه ترجمه ایتمشدر
٦٦ فذلكه — كاتب چلبینك
٦٧ تاریخ فرس — قدیم و معتبر بر كتابدر شهنامه و امثالی اثار نفیسه+یی تألیف ایدن ادبای اهل فرس بو كتابی مأخذ اتخاذ ایتمشلرایدی
٢٨ فترینه تاریخی — اون یدی باب اوزرینه مرتب و لسان اجنبیدن مترجم
٦٩ كائنات — اوروپا دولتلرینك ابتدای تأسسلرندنبرو بشقه بشقه وقوعاتلرینی مبین بر كوزل تاریخدر مؤلف ادبای عصردن مطبعۀ عامره و تقویم وقایع مدیری احمد مدحت افندی
٧٠ كامل التواریخ — عربی اون اوچ جلد (١٢٤٠ م و ٦٣٨ ه) تاریخنده وفات ایدن (ابن اثیرالجزرینك بوكا ابن اثیر تاریخی دخی دیرلرایسە ده ابن اثیر تاریخی عمادالدین اسماعیلكدر
٧١ كشف الطنون — كاتب چلبی+نك
٧٢ لطفی تاریخی — وقعه نویس احمد لطفی افندینك سلانیكلی لطفی افندینك تاریخی دخی بشقه+در
٧٣ محمود السیر — عساكر بحریۀ شاهانه قائممقاملرندن ایوب صبری افندینك (١٨٦٩ م و ١٢٨٦ ه) تاریخنده تألیف ایتدیكی سیر خیر البشر
٧٤ مرأت كائنات — تركجه ایكی جلد (١٢٦١ م و ١٠٣١ ه) تاریخنده وفات ایدن نشانجی زاده محمد بن احمدك
شاعر غزالینك دخی لسان فارسی اوزره بو نامده بر تاریخی واردر
٧٥ تاریخ ملل شرقیه — موسیو (ماسپرو)نك
٧٦ منتظم فی تاریخ الامم — (١٢٠٠ م و ٥٩٧ ه) تاریخنده وفات ایدن عبدالرحمن جوزیء بغدادینك
٧٩ تاریخ نشانجی — رمضان زاده بویالی محمد پاشانك طبقات الممالك نام تاریخه دخی نشانجی تاریخی دیرلر
٨٠ نعیما — وقعه نویس نعیما افندینك بیك تاریخندن بیك یتمش تاریخنه قدر قلمه الدیغی تاریخ عثمانی
٨١ انفخات الانس — عبدالرحمن جامی حضرتلرینك مقامات و كرامات ارباب طریقت و حقیقتی جامع فارسی العباره اثری بروسه+لی مشهور لامعی چلبی تركجه+یه ترجمه ایتمشدر
٨٢ نقدالتواریخ — تدقیقات امور مالیه قومیسیونی اعضاسندن احمد فعت افندینك (١٨٧٨ م و ١٢٩٧ ه)تاریخنده قلمه الدیغی متسلسل و مختصر تاریخ عمومی
٨٣ نوادرالاخبار — شقایق صاحبی طاشکپریلی زاده احمد بن مصطفی+نك
٨٤ وصاف تاریخی — بش جلد اصل اسم (تجزئة الامصار وتزجیة الاعصار) — خواجه عبدالله بن فضل اللهك
٨٥ وفیات الاعیان — عریی قاضی شمس الدین بن خلكانك اشبو تاریخی (ردوسی زاده محمد بن محمد) لسان تركی+یه ترجمه ایتدی سین النلس شهرتی (ابن خلكان)در