تاریخ — جناب حق بو عالمی نه قدر اول خلق و ایجاد بیوردیغنی بو عقول قاصره ایله بیلمك انسانلر ایچون ممكن اولمدیغی حالده بعض ارباب فن ابتدای خلقت عالمدن میلاد عیسی علیه اسلامه دكین كذران ایدن زمانی كویا شو وجهله حساب و تخمین ایتمشلردر. سنه
١٨٣٣٧٨ کفایه قولی اوزره.
١٨٣١٠٢ الغ بك قولی اوزره
١٨١١٣٦ مورخین قولی اوزره
خلقت آدم علیه السلامدن میلاد عیسی علیه السلامه دكین كچن زمانی بیلمك ایچون دخی الده احتجاجه صالح بر سند و دلیل اولمدیغی حالده زیرده محرر الاسامی ذواتك هربری بر مقداره قائل اولوب اختلاف ایچنده قالمشلردر. سنه
٦٩٨٤ آلفونیستلر
٥٧٠٠ قسطنطنیه+لی نیسافور
٥٦٢٤ اسكندریه+لی قالە+مان
٥٦١٥ انطاكیه+لی تئوفیل
٥٥٩٤ ملك مؤید و كاتب چلبی
٥٣٤٥ جمهور منجمین اوروپا
٥٣٢٨ مورخین عرب
٥١٩٦ یهودی فدون
٤٩٦٣ جمهور مورخین
٤٨٣٢ ویانه+لی آدون
ازمنۀ وقوعات سالف یی تعیین ایچون مبدأ اتخاذ اولنمش تاریخ پك چوق ایسه ده اكثریسی مرور زمان ایله اونودلمش یاخود ترك اولنمش و بعضیلری حالا بیلنمكده و دوام ایتمكده بولنمشدر اشبو بیلنان و دوام ایدنلری شونلردر