ابو حور یاخود ابو قیر — اسكندریه+نك جانب شرقیسنده
و اون یدی كیلو مترو بعدنده و ساحل بحرده بر قصبه+در لیمانی كوزل
و مضبوطدر حوالیسنده اولان خرابه+ده خیلی انتیقه بولنور و خانه+لری
برچوق قیالر آره+سنده كورینور. (١٧٩٨ م و ١٢١٣ ٥)تاریخنده
فرانسز جنرالی بوناپارت عساكر وفیره ایله ابتدا بو لیمانه كلوب مصری
استیلا ایلدی و متعاقباً انكلیزلرك امیرال (نلسون) قومانداسنده اولان
دوننماسی كلوب لیمان مذكورده یتان اون یدی قطعه فرانسه حرب
سفایننی یاقدی و بر سنه صكره بشبیك فرانسز عسكری اون بشبیك
عثمانلی عسكرینی بوزوب قوماندان كوسه مصطفی پاشا یی اوچ بیك كشیله
اسیر ایتدی لكن فرانسز لركده برقاچ بیكی و ایكی جنرالی تلف اولدی
ایرتسی سنه انكلیزلرك اسقوچیالی (ابرو قرومی) نام جنرال قومانداسنده
اولان عسكری لیمان مذكوری فرانسزلردن حرباً قورتاردی و فرانسزلر
آرتق اولحوالیده طوره+میوب بتون بتون رجعته مجبور اولدی.