تاتار — سلاله+سی بش بطنده ترك بن یافثه منتهی اولان و ترك قبیلۀ جسیمه+سنك رئیسی بولنان (آلنجه خان)ك توأم اوله+ارق طوغان ایكی اوغلندن برینك اسمی اولوب دیكرینك اسمی (مغول) ایدی بونلر پدرلرینك حیاتنده تقسیمی وجهله عهده+لرینه انتقال ایدن اراضیده بالاستقلال اجرای حكومت ایدوب مؤخراً متعدد شعبه+لره منقسم اولدیلر و بعد زمان ایچلرندن بر شعبه+سی خطای حكومتنه تابع اولوب دیكرلری التای طاغلریله بایقال كولی آره+سنده باشلی باشلرینه توطن ایلدیلر. مشهور (جنكیز) خان اون ایكنجی عصر میلادیده مغول حكومتنی تشكیل ایتدیكی زمان تاتارلری دخی عسكرلكه قبول ایدوب بر آره+لق بتون بتون تحت انقیاده آلدیغندن اولوقتدنبرو مغوللر ایله تاتارلر بربرلرینه قارشمش و مغوللر دخی تاتار نامنی آلوب شمدی تفریق اولنه+مز بر حاله كلمشدر الیوم روسیه+نك
شرق و جنوب طرفلرنده ساكن اولان اقوام مختلفه+دن (جوواش) و (پاشكیر) و (نوغای) و (قوموق) و (قرغیر) و اوزبك قبیله+لرینك تاتار نسلندن اولمسی مأمولدر.