لغات تاریخیه و جغرافیه

Lugat-ı Tarihiyye ve Coğrafiyye

تابوت عهد

Tâbût-ı ahd

تابوت عهد — حضرت موسی علیه السلامك الواح منزله+یی حفظ ایچون شمشاد اغاجندن انشا ایتدیردیكی صندوقۀ مقدسە+نك اسمیدر. بو صندوقه اولوقت بریۀ سیناده قبة الشهاده دروننده حفظ اولنور ایدی صكره داود علیه السلام (صهیون) قلعه+سنه و سلیمان علیه السلام دخی بیت مقدسی اكمال ایتدكدنصكره صهیوندن الای والا ایله بیت مقدسه كتورتدی و اوكون تشكراً یكرمی ایكی بیك بقر و یوز یكرمی بیك غنم قربان ایدلدی. بنی اسرائیل محاربه+لره كیدركن استنصار ایچون اشبو تابوت عهدی برابر كوتوررلر ایدی حتی ایكی دفعه دخی دشمن النه دوشوب ینه قورتارلمشدر. بوكا (تابوت الشهادة) دخی دینور. بونك حقنده روایتلر چوقدر بعضیلری دخی جناب حق حضرت آدم علیه السلامه كوندردی و یدأ بید موسی علیه السلامه كلوب نهایت اشمویل علیه السلامده قالدی دیدیلر.