ابو حنیفه الدینوری احمد بن داود — قدمای ریاضیوندن
بر ادیب ذیشاندر علم هندسه و نجوم و لغت و نحو و نباتات و تاریخ
و حساب و منطقده زماننك فریدی ایدی. بر تفسیر شریفی و (اصلاح
المنطق) نامنده بر كتابی و جواهر العلم نامنده بر تاریخی و جبر و مقابله+ده
بر رساله+سی واردر و ركن الدین بن بویه ایچون بر زیج و (٨٤٩ م
و ٢٣٥ ه) تاریخنده اصفهانده بر رصدخانه یاپمشدر و (كتاب
الفصاحة) و (كتاب لحن العامه) و (كتاب الوصایا) دخی بونك جملۀ
تألیفاتندندر و وفاتی (٨٩٤ م و ٢٨١ یاخود ٢٩٠ ه) تاریخنده+در.