بیهقی — فخر الزمان امام بیهقی حضرتلری كه اسمی (احمد بن حسین بن علی بن موسی)در ولادتی (٩٩٤ م و ٣٨٤ ه) تاریخنده وفاتی (١٠٦٥ م و ٤٥٨ ه) تاریخنده اولوب علوم و فنون متنوعه+ده شهرت بولمشدر. علم حدیثده حاكم ابی عبدالله ابن البیع حضرتلرینك كبار اصحابندن ایدی طلب و تحقیق حدیث ایچون عراق و حجاز و خراسان و ممالك سائره+یی طولاشوب بعده تألیفاتله مشغول و بحسب الروایه تألیفاتی بیك جلده مشمول اولدی. مشارالیه نصوص امام شافعی+یی اون جلده یازوب اسمنی (مبسوط) قومش و (السنن الكبیر) و ( السنن الصغیر) و (دلائل النبوة) و (السنن) و (الآثار) و (شعب الایمان) و (مناقب الشافعی المطلبی) و (مناقب احمد بن حنبل) و (كتاب الخلاق) و امثالی تألیفاتنی اخلافنه یادكار براقمشدر. بر ارە+لق نیشابوره دعوت اولندیغی جهتله اورایه تشریف بیوروب براز مدت صكره اوراده وفات ایلدی و مؤخراً نعشی مسقط رأسی اولان بیهقه نقل و دفن اولندی.