ابو حنیفه — ائمۀ اربعه حضراتنك برنجیسیدر و مسقط رأس
عالیلری كوفه اسمی نعمان بن ثابت+در و نسب سعادتلری نوشیروان
عادله موصولدر. حضرت مشارالیه ابتدای حالنده اختیار انزوا
و نشر و تدریس ایله اكتفا بیوروب صكره عالم معناده شر فصادر اولان امر و فرمان جناب نبوی موجب عالیسی اوزره اجتهاده باشلادی و علم و عرفان و كمالی هر طرفه منتشر اولدیغندن درسنه پك چوق منتهی ذوات كلدی و ابراهیم بن ادهم و بشر حافی و داود طائی و امام محمد و زفر
و حسن و عبدالله بن المبارك كبی ذاتلر یتشدیردی و ایچلرندن یتمش عددی
اجتهاده مقتدر اولدی. خلیفه ابو جعفر المنصور ابتدالری بو ذات
عالیقدره فوق الغایه حرمت و رعایت ایدوب بر آره+لق بغداد انشاأتنه
ناظر تعیین ایتدیسه ده مؤخراًً تكلیف ایتدیكی قاضی القضاة منصبنی قبول
ایتمدیكندن و امامت بحثنده سویلدیكی طوغری جوابی اكری آلدیغندن
ویاخود عهدلرنده طورمیان موصل اهالیسنی اورمق ایچون مساغ
شرعی اولمدیغنی سویلدیكندن حدتلنوب زندانه آتدی و كونده اونر
قامچی آرتیرارق هر كون ضرب اولنمسنی امر ایتدی و قامچینك عددی
یوزه بالغ اولدقده پك چوق بكا ایدوب یتمش یاشنده اولدیغی حالده متأثراً
وفات ایلدی (٧٦٧ م و ١٥٠ ه) مشارالیه حضرتلری بوندن اول بنی
امیه حكومتی زماننده یعنی یزید بن عمرو بن هبره+نك كوفه والیلكنده
تكلیف اولنان كوفه قاضیلكنی دخی قبول ایتمدیكندن ضرب اولنمش
ایدی. جنازه+سنده اللی بیك كشی بولندیغی متواتراً ثابتدر. بعد
العشاء صباحه قدر نوافل قیلارلر و هر یكرمی درت ساعتده بر كره قرأن
كریمی ختم ایدرلر و كیجه+لری خشیة اللهدن اغلادقجه قومشولری آجیرلر
ایدی. بركوی مرحومك (نور الاخیار) نام كتابنده (ابو هر یره)
حضرتلرندن روایةً حضرت پیغمبر افندمزك اوچ دفعه (ان فی امتی
رجلاً اسمه نعمان و كنیته ابو حنیفه هو سراج امتی) بیوردیغنی وینه انس
بن مالك حضرتلرندن روایه افندمزك (سیأتی من بعدی رجل یقال له
النعمان ابن ثابت و یكنی بابی حنیفه لیحیین الله تعالی سنتی علی یدلیه)
بیوردیغنی یازمشدر