لغات تاریخیه و جغرافیه

Lugat-ı Tarihiyye ve Coğrafiyye

پیسیدی / بیزیدی

پیسیدی یاخود (بیزیدی) — وقتیله آسیاده بعضاً بر و بعضاً ایكی ولایتك اسمیدر بو ولایتك اهالیسی ایرانیلر و ماكدونیالیلر و غالاتیلر زمانلرنده پك چوق وقت استقلاللرینی محافظه ایدوب اك صكره رومالولره اطاعته مجبور اولمشلردر. پیسیدی اسمی جغرافیون نزدنده دردنجی عصر میلادی+یه قدر (پامفیلی) ولایتیله برلكده طانینور ایكن اندن صكره بشقه بشقه طاننمغه باشلادی. و اولوقت پیسیدینك مقر ادارە+سی الیوم (آق شهر) دنیلان (انتی یوخس) قصبه+سی ایدی. بو حالده عموم پیسیدی قونیه و اسپارته و حمید و كوتاهیه ولایت و سنجاقلرندن عبارت اولمش اولور.