بیزموط — حكمی و كیمیوی خاصه+لره مالك بر جسم بسیطدر بوهمیا و ساقس و ترانسیلوانیا نام ممالكده بولنور. بو جسم صاریجه بیاض رنكلو و قیریلجی و چابك غبار حالنی آلیجی و ٢٦٤ درجۀ حرارتده ایرییجی و تبرید ایدلسه (شبه معین) شكلنده بللورلنیجی+در. و مایع حالندن صلب حالنی آلدیغی صره+ده حجمی تزاید ایتمكله صویك حال انجمادده قابلرینی كسر ایتدیكی كبی بو دخی قابنی كسر ایدر و بیاض درجۀ حرارتده طیران ایلر. ثقلت اضافیە+سی (٩,٨٣) درجه اولوب عادی درجۀ حرارتده اولان هواده نامتغیر ایسه ده یوقاری درجه+ده آتش الوب یانمغله حمض حالنه منقلب اولور. (حمض بیزموط) و (حامض بیزموط) و (كبریت بیزموط) و (آزوتیت بیزموط) كبی بر طاقم مركباتی دخی استحصال اولنمقده+در.