) بیروت — سوریه ولایتی داخلنده و آق دكز ساحلنده جسیم بر شهردر. بو شهرك هواسی رطوبتسز و سیجاغه احتیاجی اولان ضعیف خستە+لره نافع و شام شریفك اسكلە+سی اولدیغندن غایت معمور و معتبردر و قرق اوچ مكتبی و یدی جامع و اون ایكی مسجدی و متعدد کلیساسی واردر. برقاچ سنه مقدم جوارنده اولان (نهر الكلب) دن بر قومپانیه معرفتیله صو كتوردیلوب بعد التصفیه اهالی+یه صاتلدیغندن معموریتی بر قاتدها تزاید ایلدی نفوسی شمدیلك اجنبی مسافرلرله برابر اوتوز بش بیكه بالغدر بوراده بعض اجنبیلر جسیم مكتب و خسته+خانه+لری دخی واردر. بیروتده اعلا مازی و بویا چیقار و پك كوزل اقکشۀ حریریه طوقینور. بیروت فنیكه+لیلرك اك اسكی مملكتلرندن اولوب مؤخراً روما ایمپراطوری (اوكوست) مهاجرلره تخصیص ایتمش (٣٨٤ م و ٥٥٤ م) تاریخلرنده و وقوعبولان حركت ارضلردن خیلی محلی خراب اولمشیدی. اسكی اسمی (بایروت)در.