پیر علی — مشایخ بیرامیە+دن بر بیوك ذاتدر. عصر جناب (سلیمان) خانیده مسقط رأسی اولان اقسرای قصبه+سنده ارشاد عباد ایله مشغول ایكن بعض حسودلر حق عالیلرنده شكایته تصدی ایدوب شكایات مذكوره دخی درسعادته عرض اولندیغندن سلطان (سلیمان) حضرتلری بونی بن كندم تحقیق ایدرم بیوروب ایرتسی سنه مصر سفرینه كدركن مخصوصاً اقسرایه اوغرادی و مخفیجه پیر علینك خانه+سنه كیدوب كندوسیله كورشدی و سن مهدیء زمانم و جنتك درت ایرماغی بنده+در دیر ایمشسك بو سوزلری سویلدیكك صحیحمیدر دیو سؤال بیوردقده پادشاهم شمدیلك ظاهرده مهدی سن+سك و او ایرماقلر جنت اعلادە+در فقط انسان عالم شهود و ملكوتك نمونه+سی اولدیغندن آنده حاصل اولان علم و معرفت و عشق و حقیقت او ایرماقلره دخی تشبیه اولنه+بیلور اشته بزمده ایرماقلریمز بونلردر دیوب حضور پادشاهی+یه بال و سود و صو كتوردی و پادشاه تناول بیوردقدن صكره بونلر پك كوزل لكن شراب ایرماغی یوقمی دیمسیله پادشاهم اوده وار دیوب ایاقده طوران پرتو پاشایه نظر و توجه ایتدیكی كبی پرتو پاشا (الله) دیوب یره دوشدی و بیهوش اولدی و پادشاه دخی كمال تأثرله اغلامغه باشلادی و خلوت امر ایدوب وافر كورشدكدن و پك چوق دعاسنی الدقدن صكره كندوسنك یاخود اوغلنك استانبوله كلمسنی رجا ایلدكده شیخ مشلر الیه بن معذورم. فقط اوغلمك اسمی
اسماعیلدر قربان اولمقدن چكنمز دیدی و اوغلان شیخ نامیله مشهور اولان اوغلی (اسماعیل معشوقی) حضرتلرینی كوندردی (اوغلان) كلمه+سنه نظر بیوریله .