بیراق یاخود (سنجاق) — هربرینك لون و صورتی بشقه اولمق اوزره دول و حكومات و هیئات سائره+نك انتخاب و قلعه و سفینه+لرینه كشیده و الایلرنده استعمال ایتدكلری بزك اسمیدر محل و ایجابنه كوره بعضاً علم و لوا دخی دینلمكدە+در. بونك قنغی تاریخده انجاد اولندیغی معلوم دكلسە ده اسلامده ایجادی زمان سعادتنشان حضرت پیغمبریدە+در حضرت پیغمبر افندمز هجرتك ایلك سنه+سنده وقوعبولان سریه+ده مبارك دست عالیلریله بر مزراغك اوجنه بر بیاض بز عقد ایدرك سریۀ مزبوره افرادندن (ابو مرشد) رضی الله عنه حضرتلرینه تسلیم ایتدی و خیبر غزاسنده دخی سیاه بزدن بر بیوك بیراق عقد ایدوب (عقاب) تسمیه بیوردی. مؤخراً دول اسلامیە+دن هر برینك بر رنكده بیراق اتخاذ ایتدكلری كبی دولت علیۀ عثمانیە+نك بدایت تأسسنده قونیە+دن كوندریلان بیاض بیراق دخی مراد خان اول حضرتلری زماننده یشیله و سلطان محمد خان اول حضرتلری زماننده قرمزی+یه تحویل و دها صكره اورته+سنده+كی بش كوچك هلال رسملری قالدیریلوب یرینه آی ییلدیز ترسیم اولنمشدر.