پیتر یاخود (پترو) — اسپانیاده قاستل قرالی اون برنجی الفونسك اوغلی و خلفیدر. غدارلقله مشهور اولان اشبو مرحمتسز آدم (١٣٥١ م و ٧٥٢ ه) تاریخنده پدرینك مستفرشه+سنی اعدام و كندوسنه نكاح اولان بر قزی نكاحك ایكنجی كونی طرد و مؤخراً قتل ایتدیردی و دها صكره عموجە+سیله عموجه زاده+سنی ذبخ ایتدیروب قرنداشنی دخی قتل ایده+جکی اثناده بیچاره فرانسه+یه قاچدی و مؤخراً بر طاقم عساكر معاونه ایله كلوب و مرقومی طرد ایدوب یرینه اوتوردیسه ده خائن مرقوم اوچ سنه صكره انكلیزلرك اعانه+سیله ینه تختنی قورتاردی.