بیت اللحم نام ناحیه — قدس شریفك اون كیلو مترو جنوبنده كاملاً باغ و زیتون اغاجلریله مستور بر طاغ اوزرنده واقعدر و اوچ درت بیك قدر نفوسی واردر. حضرت (عیسی) علیه السلام بوراده دنیایه تشریف بیوردی و شرق ایمپراطوری بیوك (قسطنطین)ك والده+سی (آلن) بوراده قرمزی مرمردن بر بیوك كلیسا یاپدیردی و اطرافنه سور چكدیردی
ناصره+نك شمال شرقیسنده و قرق كیلو مترو بعدنده دخی (بیت اللحم) نامنده بر قریه واردر و مجتمعۀ امریقاده بر چوق ممالكه دخی بو نام ویرلمشدر.