بیت مقدس — قدس شریفده حضرت (داود) و (سلیمان) علیهما السلامك انشا ایتدیردكلری معبد قدیمك اسمیدر. بو معبدك طولی التمش و عرضی یكرمی و ارتفاعی اوتوز زراع اولوب محرابی اوزرنده زیتون اغاجندن ایكی ملك كروبی تمثالی و سائر محللرنده بر طاقم ملائکه و چیچك رسملری وار ایدی و قپولریله دیركلرینه اون بیك قیه كموش و بیك قیه التون قپلانمش ایدی بونی ابتدا حضرت داود علیه السلام تأسیس ایدوب حضرت سلیمان علیه السلام جلوسندن صكره یدی سنه+ده اكمال (٤٦٠٣ خ) تاریخنده یعنی میلادك طقوز یوز طقسان بر سنه مقدمنده رسم كشادینی اجرا ایلدی و (تابوت عهد)ی آلای والا ایله (صهیون)دن كتوردوب معبد مذكور دروننده یاپلمش اولان محل مخصوصنه قویدیردی و تشكراً یكرمی ایكی بیك بقر و یوز یكرمی بیك غنم قربان ایتدیردی.
بیت مقدسك ایجی اولوقت درت قسمه منقسم اولوب بری لاویلردن اولان رؤسای روحانیە+یه و دیكری سائر اسباط یهوده و بر جسیم اورتی ایله تفریق اولنان محلی (تابوت عهد)ه مخصوص ایدی و بو اورتینك ایچنه اك بیوك بولنان رئیس روحانی سنه+ده بر دفعه كیره+بیلور و بشقه هیخ بركمسه كیره+مز ایدی. بیت مقدس( ٥٠٠٧ خ) تاریخنده یعنی میلادك بشیوز سكسان یدی سنه
مقدمنده ایكنجی بخت نصر یدیله تخریب و یتمش سنه صكره خسرو معرفتیله مجدداً انشا و (٥٥٥٥ خ) تاریخنده یعنی میلادك اوتوز طقوز سنه مقدمنده بیوك هردوت معرفتیله تعمیر و (١٣٥ م) تاریخنده رومالولر یدیله تكرار تخریب اولنوب اندن صكره بر دها انشا اولنمدی و دولت عثمانیه زماننده سلطان سلیم خان حضرتلرینك امریله یرینه الیوم موجود اولان جامع شریف یاپلدی.