لغات تاریخیه و جغرافیه

Lugat-ı Tarihiyye ve Coğrafiyye

بیت المعمور

Beytü'l-ma'mûr

بیت المعمور — حق سبحانه و تعالی حضرتلرینك زیر عرشده ملائکۀ كرام طواف ایتمك ایچون ستونلری زبرجددن و پوشیدە+لری یاقوت احمردن اولمق اوزره درت ستون اوزرینه بنیاد و قرأن كریمده (والبیت المعمور) دیو قسم بیوردیغی مطاف جلیلك نام نامیسیدر. بیت مذكورك آدم علیه السلامك زمان سعادتلرنده اهالیء ارضك دخی طواف ایتملریچون شمدیكی بیت مكرمك اساسی اوزرینه انزال و مؤخراً یعنی حضرت آدمك ارتحالندن صكره ینه زیر عرشه رفع بیورلدیغی سیرلرده محرردر