) پیاله پاشا — ترسانه كتخداسی ایكن (١٦٤٢ م و ١٠٥٢ ه) تاریخنده سیاوش پاشانك یرینه قپودان دریا نصب اولنمشدر مومی الیه دوننمای همایون ایله آق دكزه چیقوب آیا ماورو طریقیله اسپانیا سواحلنه كیتدی و برچوق ممالكی اوروب مغتنماً عودتنده قیبریسه اوغرایە+رق ذوالفقار پاشا وقعه+سنی برطرف ایتدی و مدللو جزیره+سنده صغری قلعه+سنك تملنی آتدقدنصكره استانبوله كلوب ایکی بورتون و بر قالیون و ایكی تارانته و ایكیوز اسیردن عبارت اولان پیشكشنی حضور همایونه تقدیم ایتمكله مظهر التفات و نائل رتبۀ وزارت اولدی و ایكنجی دفعه آق دكزه چیقدیغنده طرابلس غربه واروب كندو چراغلرندن اولان حمار اوغلی محمد فپودانی رئیس الغزاة محمد طایی نام صاحب ثروت نزدینه كوندروب اعانۀ جهاد استدی و طایی دخی ایکی سفره+لق التون و ایكی سفرە+لق كموش صحنلر و یكرمی التی قنطار وزننده خالص آلتوندن معمول یووارلقلر كوندروب خاكپای شاهانه+یه و حضور وزیر اعظمی+یه تقدیمنی رجا ایتدی لكن پیاله پاشا بونلرك بر طاقمنی كندوسیچون آلیقویوب قصورینی تقدیم ایلدیكندن و وقتیله طیاغنی یمش اولان مرقوم حمار اوغلی محمد قپودانك غمزیله ارتكابی اكلاشلدیغندن بیچاره پاشا اخناق و اعدام اولندی. بوكا اوزون پیاله دیرلر ایدی.