پیاس — حكملی یونانیه+دن بر مشهور ذاتدر مسقط رأسی صامسون اولوب (٥٠٢٤ خ) تاریخنده یعنی میلادك بشیوز یتمش سنه مقدمنده وفات ایتمشدر. بو ذات زمانی فیلسوفلرینك كافه+سندن فاضل و امور سیاسیە+یه واقف بر وجود ایدی حتی یونانیلر بیننده مومی الیهك حال و شانی ضرب مثل حكمنه كیروب بر دعوانك حق و عدله مقارن اولدیغنی تصدیق معرضنده (پیاس بیله بو مدعانك اثباتنی درعهده ایدر) دیرلر ایدی.
بو عالمده هركس ایله حسن امتزاج لذائذ مدیدە+یی و تكبر و معارضه مضرتی موجبدر. و كلامده عجله جنتدر. و اختیارلقده سرمایه كنجلكده تحصیل اولنان علمدر. و هر انسان دنیاده هر لحظه اولە+جك و چوق وقتلر یشایە+جق كبی بر حال اوزره بولنملیدر. بو دنیاده اهل عرض آدم پك آز و اشرار و حمقا پك چوقدر. كلمات حكمت ایاتی جملۀ نصایحتدندر. مومی الیهك وفاتندن صكره یونانلیلر نامنه بر معبد و بر مكمل مزار یاپدیلر.