پیا — فرانسه ارباب خیراتندن بر ذاتك اسمیدر بو ذات صوده غرق اولنلری خلاص ایتمك اوزره (١٧٧٢ م و ١١٨٦ ه) تاریخنده بر جمعیت تشكیل و بر اصول مستحسنه نشر ایلدی و مؤخراً جمعیت مذكوره تشعب و اصول مزبوره تعمم ایتمكله بش سنه صكره نفسی طیقانمش و نبضی حركتدن قالمش اولان (٩٣٥) نفر غریقدن (٨١٣) ی قورتارلدی و دها صكره+لری غریقی كوروبده صودن چیقارانلره كلیتلو عطیه ویرلمك و كوروبده تخلیصه تشبث ایتمیه+رك کچوب كیدنلره مجازات ایتدیرلمك اصولی دخی علاوه اولندیغندن اولكندن زیاده فائده مشاهده اولنمغه باشلادی.