) بهلول پاشا — سلطان محمود خان ثانی حضرتلری زمان سلطنتلرنده بایزید متصرفلغی ایتمش بر غیور ذاتدر. اولوقت ارضروم والیسی بولنان ذات عجم اكرادی بكلرندن حسین اغا نامنده برینی هرنه سر و حكمته مبنی ایسه بهلول پاشانك یرینه متصرف تعیین ایتدیروب كوندرمش اولدیغی حالده بهلول پاشا سرحد شرقینك بایزیدكبی اك معتنا اولان بر نقطه+سنی اویله نه ایدوكی بلورسز و سائر طرفه میلی شبهه+سز بولنان بر ذاته براقمق اوراسنی كوزدن چیقارمق دیمك اولدیغنی تفرس ایدرك رد ایله جواب ویردیكندن والیء مومی الیه غضبه كلدی و پاشای مومی الیهی جبراً قالدیروب حسین اغایی اوتورتمق ایچون اقرباسندن عبد الحمید بك نامنده برینی بیك بشیوز عسكر و ایكی طوپ ایله كوندردیسه ده بهلول پاشا آنلره ده مقابله و غلبه ایلدیكندن متصرفلق مذكورده ابقا اولندی.