) بهرام ثانی — ملوك فرسك ساسانیان طبقه+سندن بر مشهور ذاتدر و جلوسی (٢٧٦ م) تاریخنده+در. بونك اون یدی سنه+دن عبارت اولان مدت سلطنتنك ابتداسی اكرچه و هم و بطالت و آرزوی شهوانیه ایله كچدیسه ده اواخر سلطنتی پك كوزل اولدی و مأیوس اولان تبعه+سنك یوزی كولدی. مورخین بونك سببنی شو وجهله بیان ایدرلركه مشار الیه بر كون قرناسیله صید و شكاره چیقوب تنفس ایچون بر اغاجك التنده اوتورركن ایكی بایقوشك قارشو قارشویه اوتوشدكلرینی ایشتدكده قرناسندن برینه لطیفه كونه عجبا بو قوشلر بریرلریله نه سویلشورلر دیو سؤال ایتدكده او ذات دخی افندم بو قوشلرك بری اركك دیكری دیشیدر و اركك دیشی ایله ازدواج آرزوسنده+در لكن هنوز پازارلغی او یدیره+مدیلر چونكه دیشی جهاز اوله+رق یكرمی عدد خرابه زارك تملكنی شرط ایدییور و اركك دخی اكر شاه بهزامك حكومتی بو حال بیقیدی وزوق و صفا ایله بر مدت دها كیدر ایسه سكا
بیك عدد خرابه زار بیله تملیك ایده بیلورم دییور دیمسیله شاهك عقلی باشنه كلوب و همان سراینه كیدوب تدابیر ملكیە+یه باشلادی و هر ایشك اربابنی زمان كورمش و ایش ایچنده یوارلنوب نیجه تجربه+لرله دقایتی و فروعات اموره واقف اولمش كوچك بیوك خیر خواهاندن تحقیق و هربرینك اخطارینی دیكرلرك اخطاریله تطبیق و توثیق ایدرك بولوب اول ایشی اكا تفویض اتمك كبی تدبیر حكیمانه ایله حسن اداره+یه موفق اولدی.