په+پیین — فرانق دولتی امرای عسكریه+سندن بر مشهور جنزالدر. ایتالیاده بر هیئت مستقله تشكیل ایدن (لومبارد)لر بونك و قرال (شارلمان)ك قوۀ قاهرە+سیله محو و نابود اولدی.
بهجت — حكیم باشی مصطفی بهجت افندی صدوردن حكیم باشی خیر الله افندینك حفیدیدر. مومی الیه (١٧٧٤ م و ١١٨٨ ه) تاریخنده تولد ایدوب ١٢٠٨ ده طریق تدریسه داخل اولدی و تكمیل نسخ علوم ایتدكدن صكره مشهور دیوان همایون ترجمانی یحیی ناحی افندیدن لاتین و ایتالیان لسانلرینی و فن طبی تحصیل ایدوب ١٢١٨ ده سلطان سلیم ثالث حضرتلرینه سرلطبیب اولدی و مؤخراً مصر منلاسی و ثانیاً حكیم باشی اولدقدنصكره ١٢٣٦ ده اناطولی قاضی عسكرلكندن عزل و حالت افندینك نفسانیتیله كشانه نفی اولندی و بر آی صكره خصمی منكوب و كندوسی مظهر عفو اولە+رق درسعادته كلوب برقاج دفعه دخی روم ایلی قاضیعسكری و ثالثاً حكم باشی تعیین اولندیغی حالده (١٨٣٢ م و ١٢٤٨ ه) تاریخنده باشنی بالین اجله قودی.
حكیم باشی ایدی بهجت افندی كتدی عقبایه) مصراعی وفاتنه تاریخدر مشار الیهك مجالس وكلاده رأیی مقبول اولدیغندن خارجیه ناطرلریله برابر چوق كره مکالمات دولیه+ده بولنمش و یكیچریلرك الغاسی خصوصنده مشهور اولان خدمتی مقبول پادشاهی اولمغله بر هفته ظرفنده ٢٨ قیراط بر قطعه پرلنطی و ٤٥ قیراط بر پیروزه یوزك احسانیله تلطیف بیورلمشدر. مكتب طبیۀ شاهانه مومی الیهك همتیله وجوده كلدی و (بوفون) نام حكیمك تاریخ طبیعیسنی و فن طبدن فسیوثوریسنی و (بوغانك) عملیات طبیەسنی و (بورنە نك) حكمت طبیعیه+سنی و ناپلیونك مصره دائر اولان تاریخ عربیسنی تركجه+یه نقل و ترجمه ایتدی و رأساً دخی بعض رسائل تألیف ایلدی زیرده محرر بیت دخی آثار شعریه+سندندر
بیت
آمد ورفت نفس نولدیغن ادراك ایله
ایكی دلو ایله ایدر ماء حیاتی افنا