بهایی — مشاهیر علمادن شیخ الاسلام بهایی افندی والده جهتندن بیوك پدری مفتیء مشهور ابوالسعود افندی و پدر جهتندن خواجه سعدالدین افندیدر. مشارالیه اوائل حالنده تحصیل كمال ایدرك ملازمتله سلسلۀ ارباب تدریسه داخل اولوب مؤخراً حلب و بغداد و ادرنه و استانبول قضالرینه و اناطولی و روم ایلی صدارت مسندلرینه دخی نائل و (١٦٤٦ م و ١٠٥٦ ه) تاریخنده برنجی و ١٠٦٢ ده ایكنجی دفعه اولمق اوزره مقام مشیخت اسلامیە+یه واصل اولمش و التمش یاشنده وفات ایدوب خانه+سی قربنه دفن اولنمشدر مشارالیه حقیقةً محزن علوم و فضائل بر ذات نیكو خصائل ایدی متنوع فنلردن خیلی آثار و مرتب فتوا و دیوان اشعاری واردر قطعۀ آتیه اثار شعریه+سندندر
قطعه —
كه باكه كه اول خنچر برانه بقارسك
مقصودك اكر جان ایسه جانانه بقارسك
هر وعدی ایدرسك نیجه بیك عهد ایله محكم
اما ینه نه عهده نه یانه بقارسك