بهاء الدین — سلطان صلاح الدین ایوبینك وزیری عادل قرا قوشك اسمیدر. سلطان مشارالیه هر سنه اول بهارده مصردن شامه عزیمت ایتدكجه قرا قوشی مصرده براغوب رؤیت امور سلطنتی عهده+سنه تفویض و ولی عهدینی دخی تشریك ایلر ایدی قرا قوش چوق زمان شریكیله برابر حسن اداره+یه موفق اولدیسە ده شریكنك (١١٦٥ م و ٥٦١ ه) تاریخده وفاتی مناسبتیله ایكی آی قدر یالكز قالدقده فویە+سی میدانه چیقدی و كندوسندن غریب غریب حكملر صادر و هر بری حكم (قراقوشی) دیو مثل سایر اولدی ازجمله بركون حضورینه بر آدم كتوروب افندم بو حریف كوز كوره فلان كیمسه+نك كوزینی چیقاردی دیو شكایت ایتدكلرنده قصاصاً سزده بونك كوزینی چیقارك دیمسی اوزرینه حریف امان افندم بنده كز چولحە+یم تك كوز ایله ایش كوره+مم بنم بر آوجی قومشوم وار انك بر كوزی زائددر اكر انك كوزینی چیقارر ایسه+كز هم بكا و هم اكا بر ضرر اولمز دیدیكنه بناء بر شیدن خبری اولمیان زواللی اوجی+یی كتوروب بر كوزینی چیقاردیلر.