)بهاء الدین سالم — بامیانده حكومت ایدن ملوك هیاطلە+دندر. مشارالیه محب علما و صاحب فضیلت بر ذات ستوده سمات اولدیغنه بناء دركاهنه پك چوق علما و صلحا جمع اولوب كتابلر تألیف ایتمشلر ایدی حتی امام فخر رازی دخی (بهائیه) نام كتابنی مشارالیهك نامنه تألیف ایتمشدر. (اژبه) نامنده بر حاكك ید ضبطنده اولان بلخ ولایتی اهالیسی اسلام اولدقلری حالده خطایی دنیلان دینسزلره ویركو ویرمكده اولدقلرینی ایشتمكله بلخی و بعده (ترمد)ی ضبط ایدوب اهالیء مرقومه+یی خراج كذارلقدن قورتاردی و مؤخراً غور ممالكنه دخی تمامیله مالك اولوب و (١٢٠٦ م و ٦٠٣ ه) تاریخنده وفات ایلدی.
(بامیان) افغانستان قطعه+سنده+در. و مشارالیه سلالۀ ملوك غوریه+دندر