پنیق — رومالولر ایله قارتاجلولر بیننده وقوعبولان اوچ بیوك محاربه+نك اسمیدر. بو محارباتك برنجیسی (٥٣٣٠ خ) تاریخنده یعنی میلادك ایكیوز التمش درت سنه مقدمنده بدأ ایدوب یكرمی اوچ سنه دوام ایتدی ایكنجیسی (٥٣٧٥ خ) تاریخنده یعنی میلادك ایكیوز اون طقوز سنه مقدمنده بدأ ایدوب اون سكر سنه دوام ایتدی اوچنجیسی (٥٤٤٥ خ) تاریخنده یعنی میلادك یوز قرق طقوز سنه مقدمنده بدأ ایدوب اوچ سنه ظرفنده قارتاجلولرك اضمحلالیله نهایت بولدی. (قارتاج) و (انیبال) كلمه+لرینه نظر بیوریله.