پونت یاخود (پونتوس) — آسیای صغرانك شرق شمالیسنده طربزون و جانیك و اماسیه و لازستان ممالكی و قافقازیه ایله تحدید اولنمش و بو حدودی برقاچ كره تبدل و تغیر ایتمش بر ولایت جسیمۀ مستقله اولوب كیره+سون و اسكی انطالیه و ترمه و زیله و توقاد و نیكسار مشهور شهرلرندن ایدی مؤخراً (٥٠٧٤ خ) تاریخنده یعنی میلادك بشیوز یكرمی سنه مقدمنده ایران حكمدارلرینك بر صداربلغی اولدی. پونت صدرابلرینك اك مشهوری یدنجی (مهرداد)در بو ذات(٥٥٠٥ خ) تاریخنده یعنی میلادك سكسان سكز سنه مقدمنده رومالولره اعلان حرب ایدوب برنجی محاربە+ده
)پتنیا) و (قپادوقیا) و (پامفیلیا) ولایاتنی و مؤخراً قریم و منقریل و كرجستان ممالكنی استیلا ایدرك بوغازه قدر كلدی و آتنه+یی تهدید و اسیر ایتدیكی یوز بیک روما عسكرینی بر كونده اعدام ایتدی و اوچ سنه صكره روما نرالی مشهور (سیللا) كوچ حالله غلبه ایدوب خیلی ممالك قورتاردی و مهردادك اوغلی (قارناق) نام خائن رومالولرك افسادیله باباسی اعدام ایتدیروب نعشنی جنرال پومبە+یه كوندردیسە ده امیدی كبی مستقل اوله+رق تخته چیقه+مدی. روما دولتنك انقراضندن صكره پونت برچوق زمان ایرانیلرك زیر حمایه+سنده قالوب ابتدای دولت عثمانیه+ده حمایه+یه كیرمش و اولوقت بر كوچك روم حكومتی طانینە+رق صكره ینه ترك حمایه ایتمشیدی (١٤٦١ م و ٨٦٦ ه) تاریخنده سلطان محمد الثانی حضرتلری بالذات كیدوب و حكمداری اولان (ژان قومن)ی تعندینه بناء بر مدت محاصره ایله طوتوب اولاد و عیالیله درسعادته ارسال و ملكنی ممالك دولت علیه+یه الحاق ایلدی.