بوناپارت — فرانسه+ده بر كوچك ضابط ایكن ایمپراطورلق مسندینی احراز و بتون اوروپایی و بلكه دنیایی لرزان ایدن بیوك ناپلیون ایله فاملیاسنه مخصوص لقبدر. بوناپارت كنجلكی اوانده جنراللق رتبه+سنه نائل اولدی و (١٧٩٦ م و ١٢١١ ه) تاریخنده فرانسه+ده جمهوریت معتدله و مفرطه و قرالیت طرفدارلرینك چیقاردقلری اختلال اثناسنده مداخله ایتمك استە+یان اوروپا دولتلرینه قارشو پك بیوك ایشلر كوروب او ستیالولری ویانه جوارینه قدر تعقیب و ایتالیا و المانیا و اسپانیایی تهدید ایلدی و وندیكی اوروب دوننمالرینی یاقدی
و كلیسالرینی یغما ایتدی و (١٧٩٨ م و ١٢١٣ ه) تاریخنده هندستان طریقنی كشاد و انکلیزلری او جهتدن تضییق ایتمك اوزره مصره كوندرلدیكندن قرق بیك عسكر ایله كلوب و اسكندریەیی آلوب مشهور اهرام تپە+لری محاربه+سنی قزاندقدنصكره مصره دخی كیردی و انكلتره دوننماسی دولت علیه دوننماسیله برابر تعقیب ایلدیكندن فوق الغایه تلاشه دوشه+رك مصرلیلری تأمین ایچون امیرالحاج كوندرمك و مولد شریف اوقودوب قندیل دوننماسی یاپمق و بن مسلمانم دیمك كبی دسیسه+لره قالقشدیسه ده اهالی بونلره قانمدیغندن و عثمانلی و انكلیز عسكرلری زیاده+جه صقشدیردیغندن دفع اولدی كتدی و فرانسه+یه و صولنده (دیركتوار) حكومت جمهوریه+سنك اهالی نظرنده دوشونلكنی كوروب كندوسنه بر طاقم طرفدار بولە+رق حرباً و صلحاً اوچ اعضادن مركب بر (قونسولا) حكومت جمهوریە+سی تشكیل ایتدیردی و كندوسی دخی او اوچك بری اولدی و بو حكومتك آثارینی عالمه كوسترمك ایچون (١٨٠٠ م و ١٢١٥ ه) تاریخنده ایتالیا اوزرینه یوریوب مشهور (مونته پللو) و (مار نغو) محاربه+لرینی قزاندی و اوستریا دولتنی بر طاقم ممالك تركیله مصالحه+یه مجبور ایتدی و ایتالیا ممالكی همان بتون بتون فرانسه ممالكندن معدود اولمغه یوز طوتدی و المانیاده اولان روحانی حكمدارلقلری لغو و بعص دوقه+لقلری یكدیكرینه الحاق و (١٨٠٤ م و ١٢١٩ ه) تاریخنده سناتویی اقناع ایدرك جمهوریتی قالدیروب كندو قراللغنی اعلان ایلدی لكن اوروپا دولتلری فرانسه+نك بو قدر تفرد و تعظمنی چکه+مدیكندن و انكلتره دولتی مهارت سیاستكارانه+سیله و اقچه قوتیله روسیه+یی فرانسه اتفاقندن آییروب دول سائره ایله برابر فرانسه علیهنه بر اتفاق یاپدیلرسە ده بوناپارت (١٨٠٥ م و ١٢٢٠ ه) تاریخنده اوستریا و متفقلری عسكرینی فنا حالده بوزدیغندن اوچ حكمدار (اوسترلیج) نام محلده مغلوبانه بر مصالحه عقدینه مجبور اولدیلر مؤخراً بوناپارت میلان شهونده ایتالیا قرالیتی تاجنی دخی كیدی و جنوه جمهوری حسن رضاسیله ایتالیا حمایه+سنه كیردی و بوناپارت كندی اقرباسندن (ژوزف)ی سچلیا و ناپولی+یه و (لویی)یی فلمنكه قرال تعیین ایتدی پروسیا دولتی (١٨٠٦ م و ١٢٢١ ه) تاریخنده ینه فرانسزلرله بوزیشوب دردنجی دفعه اولە+رق اوروپا دولتلریله عقد اتفاق ایلدیكندن بوناپارت بر شدید هجومله
پروسیا عسكرینی دخی بوزوب برلینه كیردی و اورادن اتفاقه داخل اولان روسیه اوزرینه دخی كیدوب كوچك زایلوده برقاچ بیوك مظفریت قزاندی و دولت علیه+یی روسیدیه اعلان حرب ایچون تشویق و تهدید ایدرك انی دخی یاپدیروب بیهوده بونجه تلفاته سبب اولدی و (١٨٠٩ م و ١٢٢٤ ه) تاریخنده روسیه+دن ماعدا اوروپا دولتلری بشنجی دفعه اولمق اوزره فرانسه اوزرینه ینه عقد اتفاق ایتدیلرسە ده اوستریانك مغلوبیتندن بشقه برثمره حاصل ایده+مدیلر و ایكی سنه صكره بوناپارت روسیە+یه اعلان حرب ایدرك موسقوە+یه قدر كتدیسه ده موسقوه والیسی شهری كاملاً احراق ایلدیكندن بوناپارت آچقده قالوب كمال پریشانیتله رجعت ایلدی و (١٨١٣ م و ١٢٢٩ ه) تاریخنده اوروپا دولتلری التیجی دفعه اولە+رق تكرار اتفاق و بشیوز بیك عسكر اخراج ایدرك بوناپارتی بوزدیلر و كندوسنی طوتوب الپ جزیره+سنه طرد و دوننماسنك نصفنی و اللی اوچ قلعه+سنی ضبط ایتدیلر لكن بوناپارت بر سنه صكره جزیرۀ مذكوره+دن بر تقریب فرار ایله پارسه كلوب تختنه جلوس ایلدیكندن اوروپا دولتلری كمال حیرتله ینه سلاحه صاریلە+رق فوق الغایه بر شدتله هجومه باشلادیلر و بوناپارت ارتق ایشك نتیجه+سی فنایه واره+جغنی حس اتمكله استعفایه مجبور اولدی. و دخالت ایتسدیكی بر سفینه ایله (سنت الن) جزیرۀ بعیده+سنه نفی اولنوب (١٨٢١ م و ١٢٣٧ ه) تاریخنده اوراده وفات ایلدیكندن نعشی پارسه كتورلدی و جنازه الاینده بر ملیون نفوس بولندی. بوناپارتك اصلی قورسیقه جزیره+سندندر