. پورانیا — پروسیانك بحر بالطق سواحلنجه ممتد جسیم بر ولاینك اسمیدر (اودر) نهر مشهوری دروننده جاری و (پومرش خاف) یعنی پومرانیا لیمانی دنیلان بیوك كولی حاویدر هواسی صغوق و نمناك ایسه ده طپراغی محصولداردر و كرسیء اداره+سی اودر نهری اوزرنده واقع و ٧٧٠٠٠ نفوسی جامع اولان و پروسیا مواقع تجاریه+سنك برنجیسی بولنان (شتاتن) شهریدر و (سوینه موند) و (استرالسوند) و (غرایفس والد) و (بارط) دخی بلاد مشهوره+سندندر.