پومپه+یی — ایتالیانك غرب جنوبیسنده كائن (وزو) نام ینار طاغ قربنده وقتیله یرالتنده قالمش بر شهردر بو شهر یكرمی عصر مقدم ایتالیانك اك معمور و مشهور بر شهری اولدیغی حالده (٥٥١٥ خ) تاریخنده یعنی میلادك یتمش طقوز سنه مقدمنده و (نینوس) نام روما ایمپراطوری زماننده مذكور طاغك شدتله فوران ایدن اتشندن حاصل اولان
كولك التنده قالمش و سكنه+سندن فرد متنفس قورتلمامشدر. اون یدی عصر صكره زراعت قصدیله كویلولر طرفندن قازیلوركن طپراق التندن بعض آثاری چیقمغله بیلنوب و بالالتزام حفر ایدیلوب شهرك شایان تماشا یرلری میدانه چیقارلمشدر.