بومبای — هندستان غربی شبه جزیره+سنك ساحل غربیسنده واقع كوچك شبه جزیره اوزرنده انكلتره دولتی مستملكاتندن بر ولایتك مرکزیدر بو نام دخی كوزل کمی یتاغی معناسنه اولمق اوزره پورتکز لسانندن مأخوذدر. بومبای (١٥٣٠ م و ٩٣٧ ه) تاریخنده پورتكیز دولتی اداره+سنه کچوب (١٦٦١ م و ١٠٧٢ ه) تاریخنده انکلیزلره ترك اولندی و بش سنه صكره هندستان قومپانیه+سی انكلتره دولتندن صاتون آلوب مؤخراً سائر ممالك هندیه امتیازاتیله ینه دولت مشار الیهایه صاتدی. بومبای شهرنده اكثریسی مسلمان اولمق اوزر التی یوز بیك نفوس واردر و لیمانی غایت كوزل و ترسانە+سی و شمندوفرلری و جوامع و مدارس و مكاتبی مكملدر و مجوسیلرك یکی یاپلمش اولان بر معبدی ابنیۀ مشهوره+دندر بوراده افریقای شرق ویران و عربستان و هندستان ممالكیله خیلی تجارت ایدیلور. كوچك (سالست) اطە+سی دخی بومبای ملحقاتندندر.