)بومبادور — فرانسه مشاهیر نسوانندندر قرال اون بشنجی (لوئی)یی كمال حسن و ملاحت و قوۀ عقل و فراستی سایه+سنده اسیر زنجیر عشق و محبتی ایتدكدن صكره (١٧٤٤ م و ١١٥٧ ه) تاریخنده زوج مشروعنی ترك ایدرك قرال مومی الیهك كوستردیكی شوانری سراینه زینتبخش اقامت و بر سنه صكره دخی (ماركیز) عنوانی و سنوی ایکی یوز بیك لیرا معاش احسانی ایله داخل دائرۀ قرالی اولوب دولتك وكلا و سفرا عزل و نصبی كبی امورینه و دها بیوك ایشلره پرماغنی صوقمغه باشلادی و (١٧٥٦ م و ١١٧٠ ه) تاریخده المانیا ایمپراطورلق حقنی باویرا ) الكتوره)سنه ویرمك ایچون آچیلان ویدی سنه امتداد ایدن محاربه+نك ابتداسنده اوستریا ایمپراطوریچه+سی (ماری تره+ز)ك بومبادوره یازدیغی استرحامنامه اوزرینه بومبادور فرانسه+یی
بغتة پروسیا و باویرا اتفاقندن اوستریا اتفاقنه چویردی و جزویتلرك و (وولتر)ك افكار سقیمه+سنه طرفدار اولدی فرانسه ماداملری بونك هر وقت چیقاردیغی البسه و تزیینات سائره مودە+سنی تقلید مجبوریتنده اولورلر ایدی مرقومه+نك بر اخطاریله (سور) فابریقه+سی و مكتب حربیه تأسیس و پارس شهری فوق العاده تزیین اولندی. فرانسه انقلاب كبیرنده سرایك مصارف دفتری میدانه چیقاریلوب تدقیق اولندیغی صرە+ده مومی الیهانك امریله خزینە+دن آلنوب بعض انشاآت و سائره+یه صرف اولنان مبالغك مقداری قرق اللی ملیون لیرایه بالغ اولدیغی تبین ایتمش و انقلاب مذكور دخی اساساً بو مثللو اسرافانك حصوله كتیردیكی بر نتیجه بولنمشیدی