. پولیسپرسون یاخود (پولیسیرخون) — اسكندر رومینك بیوك جزاللرندندر بو ذات اسیا محارباتنده پك بیوك خدمتلر ایتدیكی و مشهور (اربیل) محاربه+سنی قزاندیغی حالده اطوار سربستانه+سنه بناء مشار الیه بونی بر ارە+لق حبس ایتمش و مؤخراً ینه عفو ایلمش ایدی. اسكندرك وفاتندن صكره مركز سلطنتده یعنی ماكیدونیاده اسكندرك اوغلنه وصی و وكیل سلطنت اولان (انتی پاطری) (٥٢٧٥ خ) تاریخنده یعنی میلادك اوچیوز اون طقوز سنه مقدمنده وفات ایلدكده اشبو (پولیسیرسون)
وصی و وكیل سلطنت انتخاب اولندیسە ده متوفی انتی پاطرك اوغلی (قساندری) حق وصایت پدرمدن بكا انتقال ایتمك لازم ایدی دیه+رك برچوق متفقلریله قالقوب بونك اوزرینه هجوم و غلبه ایلدیكندن پولیسپرسون اینولیلره التجایه مجبور اولدی و مؤخراً سلطنت دعواسنه قیام ایدن بر پرنس ایله دخی برلشمك استدیسه ده قساندرك مواعید فریبانە+سنه قاپیلوب پرنس مرقومی اعدام ایلدیكندن بدنام اولدی و اورادن نرە+یه كتدیکی و نره+ده نه زمان وفات ایلدیکی بیلنه+مدی.