) پولینزیا — اوسترالیا قطعه+سنك حاوی اولدیغی اقسام اربعه+دن بری اولوب خط استوانك شمال و جنوب طرفلرنده حد احصادن خارج بر طاقم اطە لری مشقمل اولدیغندن جزایر كثیره معناسنه اولان (پولیززیا) نامنی آلمشدر بو اطە+لرك اك بونی (زەلاند جدید) اطە+لردركه اشبو اطە+لر پارسك سمت قدمنده واقع ایكی اطە+دن عبارت و یوز سكسان بیك نفوسی و بر طاقم طاغلری و مرعالری حاوی اولە+رق انكلتره دولتنك تحت تصرفنده بولنور (ساندوییج) (ناویفاتور) (سوسیته) (توبوآی) (باس) (غامیر) (مندانا) (ماركیز) (پاق) اطه+لری دخی جزایر مشهوره+سندندر پولینزیا اهالیسی مالز سلالە+سی فروعنده اولوب بویلری اوزون چهره+لری بیضی الشكل صاچلری سیاه و دوز كوزلری بیوك قاشلری چوق برونلری یایوان اغزلری كنیش دوداقلری قالیندر بونلرك بعضیلری اهل صنعت و سفر بحریده ماهر و قابل مدنیت ایسه ده ایچلرندن پك چوغی عادات وحشیە+یی ترك ایتمیوب وجودلرینی تمغالیە+رق حیوانلر كبی كزمكده و یك دیكرینی اكل اتمكدە+درلر