بولی — قسطمونی ولایتی داخلنده و قسطمونی شهرینك غرب جنوبیسنده و التمش ساعت بعدنده بر سنجاق مركزیدر. و اووە+سی غایت كوزل و محصولدار اولوب هر نوع محصول یتمشمكده و كوك بویا و تفتك و كتان
و پرنج كبی شیلر حاصل اولمقده+در و نفوس موجوده+سی ملحق نواحیسیله برابر اون یدی بیك راده+سنده+در و سكسان التی جامع و اون درت مدرسه و اون تكیه و یوز قرق مكتبی و جوارنده متعدد معدن صولری واردر یدی یوز بیك دونم تخمین اولنان جسیم اورمانلرندن پک چوق كراسته یاپیلوب قره دكزه ایندیریلور. اشبو شهر (قلودییوپولیس) نام شهر قدیمك خرابه+سی جوارینه یاپیلوب مقدما (باستان) نامی ویرلمشیدی.