بوقلمون — كرتنكله+یه مشابه بر حیوانك اسمدر و بو حیوانك دریسی مویشلی اولدیغی و كونش اوردیغی زمان تلون ایتدیکی ایچون بو نامی ویرمشلردر. متلون و ثباتسز آدملره دخی بوقلمون مزاجلی دیرر. (
حشیشۀ بوقلمون) سملی بر اوتدر و بو اوتك برقاچ نوعی اولوب هر نوعنك اسمی بشقه+در (صارمسق اوتی) (یر پلامودی) (میشە جك) (قیصەجق محموده) (شوکة البیضا) (بت اوتی) (قورتلیجه) حشیشۀ بوقلمون انواعندندر. حكما حشیشۀ مرقومه+یه (اسطا فیز كری) تعبیر ایدرلر و سم حكمنده اولان جوهرینه (دلغین) دیرلر. اطبانك ٣
كهرچله و ٢ پلین طوزی و ١ حمض اخیر منغانز ایله یاپدقلری بر نوع یشیل صویك اسمی دخی (قملون مینه+رال)در و بو نام صویك درحال بر قاچ رنكه كیردیكی ایچون طاقلمش اولدیغنه نظراً قملونك قلموندن محرف اولدیغنده شبهه یوقدر. اشبو بوقلمون كلمه+سنی وقتیله شعرا اپیجه سرمایه ایتمشلر و تشبیهات وكنایات اولە+رق قوللانمشلر ایدی.
مثال
بیت
اندرین كار كاه بو قلمون / كل امر بو قته مرهون
بیت
رنك نیرنكنه الدانمه بو چرخ دونك / نقش الوان دیه كوستردیكیدر بوقلمون