بوسنه — روم ایلنده بر ولایتدر و وسعتی عرضاً ایكیوز و طولاً اوچیور كیلومترودر و سرای قصبه+سی سلطان محمد الثانی
حضرتلرینك (١٤٦٢ م و ٨٦٧ ه) تاریخنده اورالری فتح ایتدیكی زمان (میقلیاسقه) نهری كنارینه یاپدیردیغی سرای مناسبتیله معمور اولدیغندن سرای بوسنه دنیلمش و مركز ولایت (تراونیك) قصبە+سی ایكن مؤخراً سرایه نقل اولنمشدر.
نفس سرایده ثلثانی اسلام اولمق اوزره التمش بیك اهالی و یوز بر جوامع شریفه و اوچ كلیسا و مدارس و مكاتب واردر و عموم بو سنه اهالیسی بر ملیون اوچیوز بیك تخمین اولنمقدە+در.
بوسنه ولایتنی (١١٢٧ م و ٥٢١ ه) تاریخنده مجارلر اسلاوونیا قرالندن الوب بر مدت اداره ایتدكدن صكره بوسنە+لیلر استقلاللرینی اعلان ایلدیلر ایسه ده اوتوز بر سنه+دن زیاده محافظه ایده+مدیلر و (١٤٠٠ م و ٨٠٣ ه) تاریخنده یلدیرم (بایزید) خان حضرتلرینك اولطرفه عزیمتی تحقق ایلدكده اطاعت و حمایۀ دولت علیه+یی قبول ایلدیلر (١٤٦٢ م و ٨٦٧ ه) تاریخنده سلطان محمد الثانی حضرتلری بالذات كیدوب حرباً اخذ و ممالك دولت علیه+یه الحاق ایلدی. بوسنە+نك اورمانلری و صولری و اراضیسی غایت زنكین و لطیفدر و قلیج و سلاح اعمالی كبی صنایع اپیجه ایلرولمشدر.