بورنە+ئو — یاخود (بورنای) — بحر محیط هندیده سوندا
یاخود مالزیا اطە+لرندن بر بیوك اطە+در بو اطه فلمنك جدیددن صكره دنیانك اك بیوك اطە+لرندن صاییلور. اوزرنده التی حكومت و (مالایو) و (بوكیس) و (دایا) ناملریله اوچ جنس التی ملیون اهالی موجود اولوب یالکز جنوب طرفنده+كی حكومتلر فمنكلولره ویركو ویرمكده و قصوری بالاستقلال اداره اتمكده+در و اهالیء مرقومە+نك اكثریسی یعنی مالایو و بوكیس جنسی اسلام و قصوری مجوسیدر و تعیشلری بر اغاجك ساقو نامنده دقیقله بالقدن و مشغولیتلری قورصانلقدن عبارتدر اراضیسی غایت سیجاق اولدیغندن اهالی عریان اولە+رق كزرلر و بربریله اره صره محاربه ایدرلر و محاربه+ده اوق و یای قوللانورلر. (بورنه+ئو) اطە+سنده التون و كموش و سائره معدنلری واردر و بر طاغدن الماس دخی چیقمقدە+در لكن هواسی غایت وخیم اولدیغی كبی غرب جهتنده یغمور وروزكارلرك كثرت و شدتندن اهالی پك چوق زحمت چكرلر و سیل قورقوسندن اكثری خانه+لرینی قازیق اوزرینه یپارلر.