بوركلوجه مصطفی — یلدیرم یایزید خان اولادندن (موسی)چلبینك قاضیعسكری فحولین علمادن شیخ بدر الدین محمودك كتخدالغنی ایتمش بر شخصدر. چلبی سلطان محمد خان حضرتلری طرفندن شیخ مشار الیه یومی بیك اقچه نقاعدلك احسانیله ازنیقده اقامته مأمور ایدلدیكی صره+ده مرقوم (بوركلوجه مصطفی) آیدین طرفنه واروب شیخ مومی الیهک نامنه اولە+رق باشنه اوچ بیكدن زیاده سواری و پیاده اهل فساد طوپلایوبو بر روایتده ادعای نبوت ایدوب خلقی اضلاله باشلامش اولدیغندن پادشاه مشار الیهك شهزاده+سی اماسیه حاكمی سلطان مراد حضرتلری مفسد مرقومك ازاله+سنه مأمور اولدی و مشار الیه مصطفی عسكر ایله كلوب ولایت مزبوره داخلنده واقع (قره برون) نام محلده مرقومی اون بیكدن آرتق عونه+سیله برابر اخذ و كرفت و قتل ایدرك سر مقطوعنی پدری مشارالیهه كوندردی.