ابو جعفر المجذوم — كبار اولیاء اللهدندر بو ذات زماننك غوث اعظمی اولدیغی حالده علت جذام ایله مستور اولدیغندن كمسه
واقف اوله+مز ایدی حتی بر كون كبار مشایخ صوفیه+دن ابوالحسن
الدراج حج شریفه كیدركن رفقاسندن ایریلوب یالكز باشنه قادسیه+یه
واردقده ابو جعفر المجذومه تصادف ایتدی و ذاتاً الفتی اولمدیغی حالده
یا ابا الحسن اكر حج شریفه كیدە+یور ایسك برابر كیده+لم دیدكده ابوالحسن
علت معهوده+سنه و اختیارلغنه بناء رد ایتمسیله ابو جعفر )الله ضعیف ایچون قوی+یی تعجبه دوشورمكه مقتدردر) دیدی و ابو الحسن اندن
صكره هرقنغی قوناغه واردیسه ابو جعفری اوراده بولدی و بو صورتله
بالدفعات كوردیكی كرامانی اوزرینه یاننه واروب یوزینی كوزینی یرلره
سوره+رك قصورینك عفوینی رجا و استرحام ایلدی و اندن صكره مکۀ
مكرمه+ده دخی برقاچ كره تصادف و دعا نیاز ایلدكده بن دعا اتمام سن دعا
ایت بن آمین خوان اولورم دیمسی اوزرینه ابو الحسن ایكیسی دنیاده
و بری آخرتده حاصل اولمق اوزره اوچ دعا ایتدی و دنیاجه اولان
مراداتی حاصل اولدیغنه نظراً آخرتجه اولان مرادینك دخی بعنایة الله
حاصل اوله جغنده شبهه قالمدی