بوردور — قونیه ولایتی داخلنده و قونیه+نك اللی ایكی ساعت بعد جنوبیسنده بر سنجاق مركزیدر دروننده اون طقوز جامع و اون مسجد و یكرمی اوچ مكتب و بشبیك طقوز یوز بو قدر نفوس بولنوب منقسم اولدیغی التی قضا ایله برابر مجموع نفوسی قرق بیكه بالغدر و اراضیسنده هر نوع محصولات یتشدیكی كبی جریر و دخان و افیون دخی حاصل اولمقده+در بوردورك بر ساعت شمالنده طولاً سكز و عرصاً بر ساعت مقداری ممتد اولمش بر كوی واردركه بو كوی (چوروك صوكولی) و (بوردور كولی) نامیله یاد اولنور صویی غایت اجی اولدیغی جهتله دروننده بالق و سولوك بولنمدیغندن بشقه اصابت ایتدیکی محللرده نباتات بیله حاصل اولمدیغندن
اهالیجه بر قطره فائده+سی یوقدر فقط ساحلنده كائن (کچبورلی) قضاسی قراسندن ایكی قریه اهمالیسی كسدكلری اودون و سائر اخشابی قایقلره تحمیل ایدوب بو كول واسطه+سیله قصبه+یه ایندیررلر. بوردورك باغ و باغچه+لری اوچ ساعت بعد جنوبیسنده اولان (چینه) قریه+سندن ظهور ایدن (كول پیكار) نام صو واسطه+سیله سقی اولنوب اشبو صو مارالذكر چوروك صوكولنه منصب اولور.