) پورتویکو — اسپانیانک بیوك انتیللرندن بری اولوب اك زیاده شرق جهتنده واقعدر و شكلی مربع الاضلاع وقائمة الزوایا شكلنه مشابهدر و الیوم بش یوز بیك نفوسی جامعدركه بونلردن نصفی سیاه ویا حبشی و اللی بیك نفوسی اسیردر مقر اداره+سی ساحل شمالی اوزرنده واقع (سان ژوان پورتوریقو) نام شهردر اشبو اطه بر قپودانلق عمومی تشكیل ایلر ساحللری غایت كیرشلی چیشلیدر شرقدن غربه ممتد بر سلسلۀ جبالی اولوب اشبو طاغده انهار و مجاریء متعدده نبعان ایدر و هواسی معتدل و اراضیسی محصولدار اولوب شكر قهوه توتون پموق و امثالی یتیشور و انشاآته خصوص اغاجلری كلیت اوزره بولنور حیوانات بریه و بحریه غایت مبذولدر.
بو اطه (١٤٩٣ م و ٨٩٩ ه) تاریخنده (خریستوف قولومبوس) معرقتیله كشف اولندی و اوزمان التی یوز بیك یرلی نفوسی جامع ایكن (١٥٠٩ م) تاریخنده اوراده متوطن اسپانیوللر اهالیء مزبوره+یی معادن اخراجی ایچون چالشدیردقلرینه بناء پك آز بر مدت ایچنده اكثریسی تلف اولدیلر. اون یدنجی عصر اوائلنده انكلیزلر مذكور اطه+یی ضبط ایدوب چوق زمان كچمكسزین ینه صاحب اولی اولان اسپانیالولره ترك اتمشلردر.