لغات تاریخیه و جغرافیه

Lugat-ı Tarihiyye ve Coğrafiyye

بور

Bor

بور — ١٢٢٥ سنۀ میلادیە+سنده (كیلوساق) و (تنار) نامان حكیملرك واسطۀ تحقیقلریله اثبات وجود ایتمش بر جسم عنصریدر (حامض بور) نام جسم مركبدن استحصال اولنور و (ركمی بور) و (بللوری بور) بر صورت مخصوصه+ده استخراج اولنمقده بولنان اقسامندندر. كمیسی یشیلجه رنكلو اولور و اك شدید درجۀ حرارتده اریر یللوریسی ایسه شفاف و بعضاً رنكسز و اکثریا اچیق صاری ویاخود قرمزیدر و قوۀ انكساریە+سی الماسك قوۀ انكساریە+سنه شبیه و غایت سرت اولمغله یاقوت دنیلان جوهری چیزر و الماسه جلا ویره+یلور. بور قرمزی درجۀ حرارتده آزوت دنیلان غازی بلع ایدر و ركمی بور مولد الحموضه دروننده و حتی هواده تسخین ایدلسه سرعتله یانە+رق (حامض بور) حالنه تحول ایلر.