لغات تاریخیه و جغرافیه

Lugat-ı Tarihiyye ve Coğrafiyye

بود

بود — اوروپا فن هیئت معلملرندن مشهور بر ذاتدر. (١٧٧٢ م و ١١٨٦ ه) تاریخده سیاراتك شمسدن اولان ابعادینی تعیین ایچون بر دستور حسابی یاپوب اخلافنه بركذار براقدی شویله كه زیرده كورلدیكی وجهله شمسدن ماعدا سیارات مشهوره+یی و مریخ ایله مشتری بینه بر سیاره فرضیله (سیارات دوربینی) دنیلان سیارات صغیره+یی شمسدن اولان بعدلری نسبتنده و صاغدن صوله طوغری بر صره+یه یازوب هپسنك التنه برر (درت) رقمی و بو درت رقلرینك آلتلرینه دخی (عطارد)دن بدأ ایله صفر ,٣, ٦, ١٢, ٢٤, ٤٨ الی آخره ایكی مضروب مشتركی ایله مضاعف رقملری وضع و مذكور درت رقملریله جمع و حاصل جمعلری دخی (اون) مقسوم مشتركی ایله تقسیم اتمكله برطاقم اعداد اعشاریە+دن عبارت مقسوم علیهلر حاصل اولمش و بو حالده ارضك شمسدن اولانبعدی واحد قیاسی اعتبار اولنە+رق اعداد اعشاریۀ مزبوره+دن هربررلرینك واحد قیاسی مذكوره ضربلریله منسوب اولدقلری سیاراتك شمسدن اولانبعدلری استخراج اولنمقده بولنمشدر. نپتون اورانوس زخل مشتری سیارات صغیره مریخ ارض زهره عطارد ٤ ٤ ٤ ٤ ٤ ٤ ٤ ٤ ٤ ٣٨٤ , ١٩٢ , ٩٦ , ٤٨ , ٢٤ , ١٢ , ٦ ,٣ , ٠ ٨, ٨ ٦, ١٩ ٠, ٠ ١ ٦, ٥ ٨, ٢ ٦, ١ ٠, ١ ٧, ٠ ٤, ٠ ایمدی واحد قیاسی اعتبار اولنان بعد وسطیء ارضك (٩١) ملیون میلدن عبارت اولدیغی معلوم اولدقدن صكره دستور مرقومدن بالفرض مشترینك بعد وسطیسی بولمق مراد اولنسه ٥٢ ٩١٠٠٠٠٠٠٠ ك٤٧٣٠٢٠٠٠٠٠ بعد وسطی مشتری اولدیغی اكل شیلور و مثلا ٦٣٧٠٠٠٠٠ ٧ ٩١٠٠٠٠٠٠ دخی زهره+نك بعد وسطیء شمسیسی اولور. و مع مافیه اشبو دستور حسابنك بر حساب تقریبی اولدیغی دخی بیلنمك لازم كلور.